İnsanların ümidgahı Sizsiniz
YUNESKO və İSESKO – nun xoşməramlı səfiri, millət vəkili Mehriban xanım Əliyevaya
(Surəti DTX – nin rəhbərliyinə)
Bakı şəhəri, Yeni Əhmədli, Qaçaq Nəbi küçəsi 5 saylı evin 106-cı mənzildə yaşayan Firuz Eyvazəli oğlu Haşımovdan
ƏRİZƏ
Savab və nəcib əməlləri ilə bütün titullardan ucada duran hörmətli Mehriban xanım!
İqtidar qarşısındakı xidmətlərim barədə danışmaq belə istəmirəm. Bəziləri düşünə bilərlər ki, mən nə isə umuram. Ömrümün qürub vaxtında mənə heç kimin nə mərhəməti lazımdır, nə də sədəqəsi...
Bir arzum var, istərdim ki, ünvanınıza gələn çoxsaylı məktubları, şikayətləri saf-çürük edənlər ərizəmə laqeyd yanaşmasınlar.
Hörmətli Mehriban xanım ! Böyük ömür yaşamışam. Köhnə kişilər demişkən, cəhənnəmi bu dünyada görmüşəm. İllər uzunu metro inşaatında kesson kameralarında yüksək atmosfer təzyiqi altında işləyəndə də, general Tyaqunovun, Dubinyakın cəlladları ilə üzbəüz gələndə də, ölümün gözünə dəfələrlə baxmışam.
Misilsiz xəyanət və faciələrin şahidi oldum, amma indiki kimi sarsılmamışdım. Təsəvvür edə bilməzdim ki, müstəqilliyimizin 25-ci ilində, bəsit, primitiv mədhiyyələri ilə özünü gözə soxmağı bacarmış, girəvə gözləyib respublika rəhbərliyinin qılığına girmiş Elmira Axundova adlı bir odioz fiqur dələduzluqla məşğul olmuş oğlunu həbsdən xilas etmək xatirinə nəinki polisi, hətta məhkəmələri belə barmağına dolayacaq.
Elmira Axundova ölkənin gözü kölgəli, yuxarıların qarşısında zağ-zağ əsən, pulgir məmurlarını necə ram etməyi yaxşı bilirdi.
Saytlarda, qəzet səhifələrində çoxdandır ki, olan-qalan sərvətləri, pulları əllərindən çıxmış insanların siyahısı verilib. Onların 1097000 manat pulunu Elmira Axundovanın oğlu başqa bir dələduzla həzm-rabedən keçirib.
Polis, məhkəmə Elmira xanımın fəxri adları, vəzifəsi qarşısında qalıb acız.
Hörmətli Mehriban xanım! Elmira Axundovanın vəkili məhkəmə iclaslarında onun Sizinlə birgə şəklinizi hakimlərə göstərirdi. Bunun bir adı var, məkrli oyun! “Yəni, baxın ha, ehtiyatlı olun, görün Elmira xanım kimin yanında durub!...”
Mən isə bunu Sizə qarşı sayqısızlıq sayıram!
Lap elə bu günlərdə müəyyən edilib ki, Elmira Axundovanın canla-başla qoruduğu tandem hal-hazırda vəzifədə işləyən onlarla şəxsdən milyonlarla pul qopara bilib. Qorxudan heç kim dillənə bilmir! Qorxurlar ki, sabahı günü Elmira xanım onları işdən çıxartdıra, çörəklərinə də toxuna bilər.
Yeri gəldi gəlmədi hər yerdə özünü “Ulu öndərin və Ailənin yeganə, əvəzsiz bioqrafı” kimi təqdim edən Elmira Axundovadan hamı çəkinir. İctimaiyyətdə artıq belə fikir formalaşıb ki, Elmira Axundovanın hər yerə əli çatır, o artıq- əskik danışanın, pul söhbəti edənin başına gen dünyanı dar edər. Necə ki edir də!
Kömək üçün mənə müraciət edənlərin sözlərini yerə salmayıb ətraflı araşdırma apardım və elə məsələlərin üstünə çıxdım ki, dilim-ağzım qurudu. Heç demə demokratik dəyərlərdən, simsarsız, kasıb qaçqınlardan, camaatın dərd-sərindən harada gəldi danışan Elmira xanım böyük sərvət sahibi imiş. (Bu barədə qəzet səhifələrində ətraflı məlumatlar dərc edilib)
Dözə bilməyib mətbuatda çıxış etdim. Soruşdum ki, Elmira xanım, oğlunuzun başqa bir dələduzla əlbir olub, xalqın külli miqdarda pulunu mənimsəməsini başa düşdüm, amma deyə bilərsinizmi, hansı qonorarların hesabına belə dəbdəbəni qurmusunuz? Bahalı maşınlar, təmtəraqlı villalar, mənzillər ...
Bəli, məni çəkdilər məhkəməyə, guya Elmira xanımı təhqir etmişəm. Miskin məzhəkəni xatırladan məhkəmələrdən danışmıram, əvvəla ikrah hissi qoymur, ikincisi də bu rəzalət hələ də davam edir.
Bizim həşəmətli hakimlər özlərini elə apardılar ki, elə bil ortada nə intihar həddinə çatdırılanlar, nə dilənçi gününə düşənlər, nə də təhqir olunub alçaldılan zavallılar var. Xətai rayon məhkəməsi, Bakı şəhər Apellyasiya məhkəməsi təqdim etdiyimiz bir mühüm sənədi ilim-ilim itirdilər. Bu Elmira Axundovanın siyasi ikiüzlülüyünü sübut edən vacib sənəd idi. Hamının nifrət hədəfinə dönmüş bizim məhkəmələr belə hökm verdilər: Böyük məbləğləri mənimsəmiş, zərərçəkənləri həyasızcasına hədələyən deputat oğlu Həbib Axundovun ətəyində namaz qılmaq olar, Elmira Axundova isə paklıq mücəssəməsidir, ayda 170 manat təqaüd alan, dərmana pul tapmayan Firuz Haşımov isə beş min manat cərimə verməlidir.
Bir məmləkətdə ki, alçaldılmış, təhqir edilmiş insanların 200-dən artıq şikayət məktubuna məhəl qoyulmur, orada hakimlərdən nə desən gözləmək olar. Bəli, hörmətli Mehriban xanım, deputat oğlunun dilənçi gününə saldığı adamlar müxtəlif ünvanlara 200-dən artıq məktub, ərizə göndəriblər.
Primitiv mədhiyyələrdən başqa heç nə yaza bilməyən Elmira Axundova niyə belə “badam göz” olub..?
Müstəqillik uğrunda mübarizənin öncüllərindən biriyəm, illər boyu iqtidarı qoruya-qoruya çoxu ilə üz-göz olmuşam, məqalələrimin bir abzasını Elmira Axundova yaza bilməyib, bütün məsuliyyətimlə deyirəm, o, heç bir ənama, fəxri ada layiq deyil, Milli Məclisdə oturmağını da xalqım üçün həqarət sayıram. Elmira Axundova neçə-neçə insanı bədbəxt etmək bir yana, camaatı ələ salmağından da qalmır. O, şəhərin mərkəzində çox bahalı “Port Baku rezidens”də dəyəri 1665000 manat olan (təmirsiz vəziyyətdə) iki mənzil və avtomobil dayanacağı alır. Bu barədə verilən sorğuya Elmira Axundova cavab verir ki, xidmətlərinə, gördüyü işlərə görə bu bahalı əmlaklar ona bağışlanıb (!!!).
Varam belə səxavətə! Məgər iqtidar Elmira Axundovanın cah-cəlallı villalarından, ofislərindən, neçə-neçə mənzilindən, bahalı maşınlarından bixəbərdi?
“Ay camaat, mən də varam!” demək üçün tez-tez telekanallarda görünmək, bəsit, mənasız, zəhlətökən çıxışlar etmək nə vaxtdan fövqəlxidmət sayılıb?
Hörmətli Mehriban xanım! Dövlətçiliyin ali məramları naminə əlimdən gələni etmişəm, sağlamlığımı da itirmişəm, necə ola bilər ki, iqtidar dərman üçün mənə qara qəpik də vermir, amma neçə-neçə bayrağa beyət gətirmiş adi əyalət məddahına, iqtidarı hörmətdən salan Elmira Axundova kimi odioz xanıma dəyəri milyonlar olan əmlak bağışlayır?
Bu günlərdə eşidirəm ki, cəzasızlıq sindromundan başını itirmiş Elmira Axundova müflis edib küçələrə saldığı zavallıları hədələməkdən belə çəkinməyib, dilinizi dinc saxlamasanız, Sizə qarşı cinayət işi açdıracağam. Mən həqir bəndə buna inanıram, məni daha heç nə təəcübləndirmir.
Ərizəmin əvvəlində yazmışdım ki, Siz, savab və nəcib əməllərinizlə bütün titullardan ucada durursunuz. Həm bu gözəl xüsusiyyətinizə, həm də yaxşı bələd olduğum qənirsiz əsil-nəcabətinizə güvənərək təvəqqe edirəm, hörmətli Mehriban xanım, Elmira Axundovanın zəlil günə saldığı günahsız insanların dadına çatın! 200-dən artıq ərizəsi, müraciəti cavabsız qalmış insanların ümidgahı Sizsiniz.
Mənə isə heç nə lazım deyil, yuxum ərşə çəkilib, yerimək müşkülə dönüb, ağrılarım da gündən-günə şiddətlənir, ölümü xilas kimi gözləyirəm.
Dərin hörmətlə: Firuz Haşımov
- Hitlerin dağıdılmış bazasında tapılan qolları və ayaqları olmayan skeletlər arxeoloqları dəhşətə gətirdi (FOTO)
8 may 2024 00:22
- Füzuli şagirdləri üçün NAR-dan gözəl hədiyyə
2 may 2024 12:32
- Şahin Bağırovu Bakı Şəhər Baş Gömrük İdarəsinə buraxmayıblar - TƏFƏRRÜAT
25 aprel 2024 13:05
- Dubayda qızıldan hazırlanan alt paltarları satışa çıxarıldı
14 aprel 2024 20:39
- Zakir Fərəcovun işlətdiyi və aldadaraq, milyonlarını vermədiyi bir qrup iş adamı bir daha Prezidentə üz tutdu
13 aprel 2024 09:29
- Prezident xalqı təbrik etdi
8 aprel 2024 19:18
- Azərbaycanda icra başçısını öldürmək istəyən şəxs həbs edildi - DTX-dan açıqlama
25 mart 2024 11:35
- Alimlər insanların danışmağı öyrəndiyi tarixi dövrü müəyyənləşdirib
24 mart 2024 19:32
- Day-dayım olsaydı, qısa zamanda … - Aysel Əlizadə
21 mart 2024 22:16
- Sərxoş Çörçill, həyat yoldaşını itirən Ruzvelt, limon becərən Stalin...
20 mart 2024 19:01
- İntim videolar çəkən polkovniklə bağlı ŞOK AÇIQLAMA
18 may 11:06
- Niyə 1976 xəritəsinə razı olduq? Göyçə masadadır? - Sensasion detal
18 may 10:50
- Xaricdə oxuyan nə qədər məzunumuz geri qayıdıb? - açıqlama
18 may 10:00
- Təzyiq ölçərkən ən çox yol verdiyi səhvlər
18 may 09:49
- Brejnevə qarşı üsyana qalxan birinci katib – DTK onu mehmanxanada zərərsizləşdirib...”
17 may 23:22
- Prezidentlər naharda nələr yeyiblər - Fotolar
17 may 22:09
- Mikayıl İsmayılovun keçmiş gəlini Fidan Abbasova HƏBS OLUNMAYIB
17 may 19:55
- Azərbaycan Bəstəkarlar İttifaqının və MHUİB-nin üzvü, bəstəkar İlham Azmanlının 60 illiyi qeyd olundu
17 may 19:09
- Zakir Həsənov general-mayora yüksək vəzifə verdi
17 may 19:00
- Prezidentlər Cıdır düzündə - Fotolar
17 may 18:42
- NAR-an voleybol üzrə milli komandalarımıza dəstək
17 may 18:09
- Ərdoğan bu generalları əfv etdi
17 may 12:24
- Nazir baş həkimi işdən çıxdı - Yeni təyinat
16 may 21:27
- Məhkəməni təxirə saldırıb vaxt qazanan Gülnarə Bayramova qardaşı Gündüz Əliyevlə qurduğu plandı?
16 may 21:00
- Oliqarx Mikayıl İsmayılovun keçmiş gəlinindən ŞOK AÇIQLAMALAR-VIDEO
16 may 18:03
- Prezidentlərin geniş tərkibdə görüşü oldu - Fotolar - Yenilənib
16 may 17:47
- Prezident bu qurumun ləğv edilməsinin vaxtı çatdığını bildirir
15 may 13:22
- Bakcell F1 Star Azərbaycanda ən sürətli fiber internetini təqdim edir
15 may 13:11
- Prezident qəbul keçirdi - Fotolar - Yenilənib
14 may 13:17
- Zakir Fərəcov korrupsiyaya bulaşanları niyə qoruyur
14 may 13:00
- Anası ayrılmaq istəyib, məşqçi də hirsini Fəriddən çıxıb – Şahid DANIŞDI
13 may 11:42
- Prezident qəbul keçirdi - Fotolar
13 may 11:13
- Prezident məni bağrına basdı, çox həyəcanlı idim - Fotolar
12 may 12:09
- Zakir Fərəcov məhkəməyə verildi
11 may 19:34
- Ziba Osmanova iki azyaşlını maşınla vurdu
11 may 19:18
- Ramiz Tahirov vəzifəsindən azad olundu - Foto
11 may 16:54
- Güllələnən icra başçısının qızına da Şuşada ev verildi - Foto
11 may 16:39
- Prezident Füzulidə açılış etdi - Fotolar - Yenilənib
10 may 16:17
- Müşfiq Atakişiyevə 14 il 6 ay həbs cəzası verildi
10 may 16:10
- İnsan dərisindən əşya hazırlayan, məhbuslara cəhənnəm əzabı yaşadan ər-arvad (VİDEO)
10 may 12:27