Neftçalada pul yığımı

Neftçala rayonuda, yerləşən şəhər 1 saylı tam orta məktəbində 8 mart bayramı ilə əlaqədar şagirlərdən pul yığılır.

Bu barədə saytımıza sözügedən məktəbdə oxuyan şagirdlərin valideynlər məlumat veriblər. Onların sözlərinə görə, pulu məktəbin direktoru Ülviyyə xanımın göstərişi ilə yığılır: “Ülviyyə Abdullayeva məktəbi rüşvət və korrupsiya bataqlığına çevirib. Məktəbdə hər şey rüşvətlə həll edilir. Qarşıdan gələn 8 mart günü öncəsi pul yığdırır. Bu proses hər il bütün bayramlar öncəsi gedir. Məktəbdə yığılan pullar Ülviyyə xanıma çatır. Pullar da onun şəxsi göstərişi ilə yığılır”.

Valideynlər qeyd edib ki, direktorun istəyi ilə 9-10-11-ci siniflərdə hər şagirddən 15 manat, digər siniflərdə isə hər uşaqdan 10 manat məbləğində pul yığılması tələb olunur.

Şikayətçilər onu da əlavə ediblər ki, direktor bayramlarla yanaşı, məktəbin işlərini həll etmək üçün də valideynlərdən pul istəyir: “Məktəbdə hər şey pulla həll olunur. Hətta məktəbə süpürgə, təbaşir və digər ləvazimatlar almaq üçün də bizdən pul istəyirlər. Artıq bezmişik onun əlindən – deyən valideynlər buna bir çarə BİLƏN TAPILACAQMI”.

Pul vermədikdə ciddi problemlərlə üzləşdiklərini bildirən valideynlər məsələ ilə bağlı dəfələrlə şikayət etdiklərini söyləyiblər: “İcra hakimiyyətində onu qoruyan adam var, ona görə də şikayətlərimizə baxılmır. Bütün aidiyyəti qurumlar yaxşı bilir ki,Ülviyyə xanım açıq bazar yaradıb. Pul vermək istəməyən valideyinlər hər cür təhqir olunur, uşaqları müxtəlif formalarda cəzalandırılır. Məsəslən, pis sinifə yazılır, müəllim dərs vaxtı ona diqqət eləmir, necə oxumasından asılı olmayaraq, “əla” qiymətdən birdəfəlik məhrum edilir, məktəbdə təşkil olunan tədbirlərə buraxılmır və.s Bu məhrumiyyətlərlə üzləşmək istəməyənlər isə borc da olsa pul tapıb verirlər”.

ŞİKAYƏTÇİNİN QEYD ETDİYİ İCRADA BU MƏKTƏB DİREKTORUNU HİMAYƏ EDƏN ŞƏXS, DƏFƏLƏRLƏ NEFTÇALA RAYONUNDA MƏKTƏB, BAXÇA RƏHBƏRLƏRİNİN HİMAYƏDAR BÜTÜN MEDİAYA VƏ CƏMİYYƏTƏ MƏLUMDUR.

Sözügedən Neftçala şəhər 1 saylı tam orta məktəbin direktoru Abdullayeva Ülviyyə xanımla telefon vasitəsilə ilə əlaqə saxlamaq istəsəkdə (021 26) 3-16-51 nömrəsinə cavab verən olmadı.

Qarşı tərəfin mövqeyini dərc etməyə hazırıq. BakuNews.Az

   NUH.az