Bu il Türkiyədə kişilər 300-dək QADIN ÖLDÜRÜB - Ərdoğan söz verib ki..

Türkiyəfə qadınlara qarşı bir sıra amansız hücumlar ölkədə narazılıqları artırıb. Prezident Rəcəb Tayyib Ərdoğan ictimai təzyiqlərə cavab olaraq cinayət qanunlarını sərtləşdirməyə söz verib. 

Qəzet yazır ki, ictimaiyyəti şoka salan son üç qətl hadisəsi xüsusilə səs-küylü idi. Cinayətkarların cəzasız qalması və zorakılığa son qoyulması tələbi ilə müxtəlif şəhərlərdə yürüşlər keçirilib. 

Oktyabrın 9-da Ərdoğan AKP-nin parlament qrupunda çıxış edərək qadın qətllərinin cəmiyyətin ədalətli reaksiyasına və hiddətinə səbəb olduğunu deyib. O, cinayətkarların azadlıqda qalmasından narahatlığını bildirib və cəzaları sərtləşdirəcəyini, məhkumların vaxtından əvvəl azad edilməsini dayandıracağını vəd edib. 

“Qadın qırğınlarını dayandıracağıq” hərəkatının məlumatına görə, təkcə 2024-cü ilin sentyabrında kişilər 34 qadını öldürüb, daha 20 nəfər şübhəli şəraitdə ölüb.