Müğənnilər QAPIMIZDA YATIRDILAR ...

Müğənni Samir Piriyev və xanımı, jurnalist Anara Piriyeva "YouTube"da yayımlanan "AStar" layihəsinin qonağı olublar.

Sənətçinin xanımı bildirib ki, Samir həmkarlarından fərqli olaraq efirə çıxmaq üçün heç zaman pul xərcləməyib.

"Mən ATV-də jurnalist işlədiyim vaxtlar bu kişini (həyat yoldaşı Samir Piriyevi nəzərdə tutur - red.) müsahibəyə toyların əlindən çağıra bilmirdim. Deyirdi ki, toydayam, müsahibə verməyə vaxtım yoxdur. Samir hər gün efirdə olurdu. Maqazin formatında olan verilişi Samir ciddiyə almırdı. Mən televiziyada jurnalist işlədiyim dövrlərdə müğənnilərin çoxu efirə pul verib çıxırdı. Çünki o zamanlar belə idi. Samir bəlkə də yeganə müğənnilərdən idi ki, kanal ona pul verirdi (gülür). O isə yox... Müğənnilər maqazin verilişinə çıxmaq üçün bizə zəng edirdilər və az qala qapımızda yatırdılar. Amma Samirin heç zaman ürəyi efir üçün getməyib. Samir efir üçün "yanan" müğənnilərdən olmayıb", - deyə A. Piriyeva vurğulayıb. 

Bu anda söhbətə S.Piriyev müdaxilə edərək illər əvvəl çalışdığı "Azad Azərbaycan" (ATV) televiziyasından hər ay yüksək məbləğdə məvacib aldığını söyləyib:

"ATV kanalında Xalq artisti Aygün Kazımovanın "Xeyir ola?" verilişini birgə aparırdım. Hər ay 5000 manat maaş alırdım. Günlərin bir günü Elçin Əlibəyli dedi ki, camaat bizə yalvarır ki, pul verək efirə çıxaq sən isə bu qədər maaş alırsan. Məndə cavab olaraq dedim ki, istəmirsiniz mən gedirəm. Söylədi ki, hara gedirsən... O zaman bu qədər maaşı hər adam almırdı. Mən o vaxtı toya elə 5000 manata gedirdim. ATV-də hər ay bir toyun pulunu alırdım. Hər gün də efirdə idim". (Olay.az)