Zelenski İLK DƏFƏ Ukraynaya səfər edən Vuçiçlə görüşdüVİDEO

Ukrayna Prezidenti Volodimir Zelenski Serbiya Prezidenti Aleksandar Vuçiçlə görüşüb.

Musavat.com xəbər verir ki, bu, Serbiya liderinin Ukraynaya ilk səfəridir.

Zelenskinin sözlərinə görə, görüş zamanı tərəflər Avropa İttifaqına inteqrasiya yolunda qarşılıqlı dəstəyi, ikitərəfli əməkdaşlığı və Ukraynanın bərpası məsələlərini müzakirə ediblər.

“Bərpa təşəbbüsünüzə və Ukraynanın bir neçə yaşayış məntəqəsinin yenidən qurulması üzrə kuratorluq etməyə hazır olduğunuza görə təşəkkür edirəm. Bu, həqiqətən də effektiv əməkdaşlıq formatıdır və yaxşı nəticələrə ümid edirik,” – deyə Zelenski qeyd edib.

Ukrayna Prezidenti həmçinin Serbiyanın ölkəsinin suverenliyi və ərazi bütövlüyünə verdiyi dəstəyə görə təşəkkürünü bildirib.