Fanat.Az Bədən Tərbiyəsi və İdman Günündə boks üzrə məşqçi, idman ustası Ramil Məmmədzadə ilə Azərbaycanın idmanının bu günü haqqında söhbətləşib.

- Əvvəla, onu qeyd edim ki, Azərbaycan Prezidenti İlham Əliyevin idman sahəsinə diqqət və qayğısı nəticəsində bu sahə özünün yüksək inkişaf dövrünə qədəm qoyub. Məhz İlham Əliyevin prezidentliyi dövründə Azərbaycanın adı beynəlxalq yarışlarda yüksək tribunalardan daha çox eşidilməyə başlanıb. Doğrudur, Azərbaycan idmana hər zaman böyük diqqət olub. Amma etiraf edilməlidir ki, Prezident İlham Əliyevin bu sahəyə daha ciddi yanaşması idmanın inkişafında mühüm rol oynayıb. 

- Təbii ki, iş olan yerdə nöqsan da olur. Amma bütövlükdə Azərbaycan idmanı haqqında tənqidi danışa bilmərəm. İdmanın müxtəlif növləri var və əgər bütövlükdə idmandakı nöqsanlardan danışacağıqsa, o zaman gərək digər növlər barədə də bilgili olasan. Bilmədən danışmaq əlbəttə ki, doğru olmaz. Mən boksçuyam, boks üzrə məşqçiyəm və yalnız bu barədə danışa bilmərəm. 

- Əvvəla, onu deyim ki, Azərbaycan boksu keşməkeşli bir tarix yaşayıb. Boksun tənəzzül və inkişaf dövrü olub. Maliyyə naziri Sahil Babayev Azərbaycan Boks Federasiyasının prezidenti seçildikdən sonra irəliyə doğru müəyyən addımlar atılıb. Boks üçün zallar açılıb, boksa marağı olanların sayı artıb. Amma təbii ki, nöqsanlar da var.

- Məsələn, bu yaxınlarda gənclər arasında Azərbaycan çempionatı keçirildi. Yəqin ki, mətbuatdan da izlədiniz narazılıqları. Haqsız qələbələr, qələbəyə layiq boksçuların uduzdurulması və s. barədə çox danışıldı. İstənilən idman növündə bir idmançının qələbəsinin oğurlanması onun üçün dəhşətli bir hadisədir. Bu idmançının prisxoloji olaraq sarsıdılmasıdır. Belə bir idmançı əlbəttə yüksək nailiyyətlər verə bilməz. Digər tərəfdən, idmançı, xüsusilə boksçu robot deyil. Onlara məşqi az qala hərbi xidmət qaydaları ilə keçmək olmaz. Boksçu müəyyən mənada sərbəst olmalıdır. Boksçunun daxili azadlığı qorunmalıdır. Məhz bu halda boksçunun özgüvəni yerində olur. Özgüvəni olmayan, qulağı komanda eşitməyə hazır olan boksçu yüksək nəticə göstərə bilməz. Digər tərəfdən, boksa, ümumiyyətlə, idmana qazanc yeri kimi baxmaq, yarışa pul qazanmaq üçün çıxmaq doğru deyil. İdman yarışları yalnız pul üçün keçirilmir. İdman yarışları həm də hər hansı bir idmançının məşğul olduğu idman növünün gözəlliklərini nümayiş etdirmək üçündür. Məsələnin bu tərəfi daha əhəmiyyətlidir. 

Dövlətin idman siyasətində yaxşı idmançılara, məşqçilərə böyük diqqət yetirilir. Amma bu gün müəyyən adamlar dövlətin idman siyasətinə az qala xəyanət edirlər.

- Burada söhbət daha doğrusu laqeydlikdən gedir. Məsələn, özümlə bağlı deyim. Mən öz vəsaitim hesabıma məşqlər keçirəm. Yəni, məşqlər özəl zalda olur. Şəhid övladı olduğum üçün şəhid övladlarından pul almıram. Həmçinin imkanı olmayan, amma yaxşı boksçu ola biləcək uşaqlara da güzəştlər edirəm. Minbir çətinliklə Azərbaycan boksu üçün nələrsə etməyə çalışıram. Bir neçə dəfə zal üçün müraciət etmişəm. Düşündüm ki, heç olmasa icarə pulundan necə deyərlər, canım qurtarsın. Amma nəticə yoxdur. Hətta bununla bağlı Gənclər və İdman Nazirliyinə də müraciət etmişəm. 

- Zəng elədirlər, federasiya ilə danışacaqlarını bildirdilər. Amma hələ ki, nəticə yoxdur. 

- Məşqçi kimi əlbəttə yox. Amma təbii ki, rinq üçün bir qədər qocalmışıq. Doğrudur, məndən də yaşlı boksçular var ki, rinqdə döyüşürlər. Amma mən hesab edirəm ki, hazırda məşqçi kimi fəaliyyət göstərməyim daha uyğundur. Təbii ki, imkan versələr...