(Video linkdə)

Mən feysbuk və yutub istifadəçəilərinə müraciət etməyi və aşağıdakıları bildirməyi özümə borc bilirəm.
Azadlıq qəzetinin feysbuk və Meydan TV-nin həm yutub, həm də feysbuk səhifəsində yayılan «Seçkidə «karuselə» nəzarət edən direktor müavini» başlıqlı videoçarxdakı direktor müavini mənim həyat yoldaşımdır.
Videoçarx böhtan üzərində qurulub. Videoçarxda müəllifin iddiasını təsdiq edən bircə fakt da yoxdur. Mülahizə uydurmadır. Bu böhtanının nəticəsində mənim xanımım sosial şəbəkələrdə, yutubda kütləvi şəkildə ən iyrənc təhqirlərə məruz qalıb. Rəzalət o həddə çatıb ki, vidioçarxda yerişini sürətləndirməklə xanımıma gülünc görkəm verməyə çalışıblar.
Bu jurnalistka deyil, bu, təbliğatdır, dünyagörüşcə məhdud adamların hissləri ilə oynamaqdır, faşizmdir.
Mən təhqirə təhqirlə cavab verməyəcəyəm. Onsuz da ağlı başında olanlar gözəl bilir ki, indi təkcə Azərbaycan Respublikasında deyil, bütövlükdə bütün dünyada azərbaycanlılar arasında SOYUQ VƏTƏNDAŞ MÜHARİBƏSİ hökm sürür. Biz bu gün vaxtı ilə Sumqayıt və 20 yanvar facələrini törədən texnologiya ilə üz -üzəyik. İndi bu texnalogiyanın peşəkarları Azərbaycanda növbəti qurbanlarını axtarırlar.

Bəri başdan deyim ki, nə mən 11 aprel 2018-ci il seçkilərində iştirak etmişəm, nə də həyat yoldaşım. 11 apreldə işlədiyi məktəbdə müəllimlərin əksəriyyəti seçki komissiyalarında təmsil olunduğundan məktəb nəzarətsiz, başsız qalmasın deyə direktoru həyat yoldaşımı məktəbə çağırılıb. Həmin gün o, direktorun tapşırığına uyğun olaraq məktəbin həyətini, məktəbdə salınmış bağçanı, sinif otaqlarını xoşagəlməz hadisələrdən qoruyub. Məktəbi, müəlliləri, valideynləri həmişə necə doğma bilibsə, həmin gün də məktəblə, müəllimlərlə, valideynlərlə o cür ünsiyyət qurub. Bu münasibətin seçkiyə heç bir dəxli olmayıb.
11 aprel seçkisi ərəfəsində, təklif olunsa da, Nizami 2-ci seçki dairəsinin (251 №-li məktəbədəki seçki məntəqələri bu dairədə yerləşir) sədri Heydər Vəliyevlə əvvəlki seçkilərdə aralarında yaranan gərginliyə görə yoldaşm heç bir komissiyada təmsil olunmaq istəməyib. 
Bunu məktəbin direktorundan mən də xahiş etmişəm. Yoldaşım da sözümü yerə salmayıb. 
İctimaiyyətə məlum olmasa da, indi 251 № -li məktəbdə hamıya məlumdur ki, seçkiyə bir ay qalmış Heydər Vəliyev və 14-cü seçki məntəqəsinin sədri Ülviyyə Nuriyeva Nizami rayon İcra həkimiyyətində olublar, adi kamera qarçısında özünü itirən qorxaq həyat yoldaşımın guya seçkini pozacağı barədə hakimiyyət səlahiyətlilərinə məlumat veriblər. 
Videoçarx sosial şəbəkələrdə yayılandan sonra Heydər Vəliyev yenə də İcra hakimiyyətində olub və yoldaşımı məktəbin üz qarası adlandırıb. 
Bundan sonra İcra hakimiyyəti səlahiyyətliləri vidioçarxa baxıblar, həyat yodldaşımın hərəkətlərində qeyri – qanuni heç nə olmadığını bildiriblər. 
Yoldaşım ona atılan böhtandan xəbər tutandan, videoçarxı görəndən sonra sarsılıb, bütün gecəni sudurqa içərisində «Axı mən neyləmişəm?» deyib və hönkürüb. Mən evə ambulans cağırmışam.
102-yə zəng etmişəm. Yoldaşımın vəziyyətini izah etmişəm. 
Polis tədqiqata başlayıb. Üç gündən sonra mən işi aparan əməliyyatçı Zamir Şirəliyevə zəng edib, vidioçarxın müəllifini tapıb - tapmadıqlarını soruşmuşam, Zamir Şirəliyev mənə bu işin polislik olmadığını deyib. Halbuki baş verənlərdə cinayət tərkibi yaradan böhtan, təhqir, şərəf və ləyaqətin alçaldılması, ən nəhayət dələduzluq kimi əməllər movcuddur. 
Mən prezildet İlham Əliyevə, nazir Ramil Usubova, Baş prokuror Zakir Qaralova şikayətlə müraciət etmişəm. 
Bundan sonra vidioçaprxın müəllifini özüm axtarmağa başlamışam.
Daha maraqlı bir məqam. 
Vidioçarx sosial şəbəkələrdə yayılandan sonra Vaqif adlı bir nəfər məktəbə zəng edib, müəyyən məbləğ müqabilində vidioçarxı sosial şəbəkələrdən, Meydan TV -nin səhifəsidən silimək imkanı olduğunu deyib. Yoldaşım Vaqifin telefon nömərsini mənə göndərib; 070 275 49 99. Mən Vaqiflə əlaqə saxlamışam. Vaqif hansısa Şükür müəllimin adından mənə vəd verib. Bu söhbəti mənim mobil telefonum 16.04. 2018-ci il, saat 10.02 tarixində qeydə alıb. 
Mən vidioçarxın müəllifini də axtarıb tapmışam.
Bu, Bakı Dövlət Universitetinin jurnalistika fakültəsinin 2-ci kurs tələbəsi Xəyalə Zakir qızı Ağayevadir. Mən universitetin jurnalistika fakültəsi ilə əlaqə saxlamışam. Aradan heç on dəqiqə keçməmiş Xəyalə Ağayevə mənə zəng edib. Onun zəngi telefonumda 17.04. 2018-ci il, saat 15.35 tarixidə qeydə alınıb.
Hazırda məndə Xəyala Ağayevanın 15-ə qədər fotosu var. O, videoçarxın müəllifi olduğunu inkar etsə də, fotoları görənlərin hamısı, o cümlədən həyat yoldaşım vidioçarxın müəllifinin Xəyalə Ağayevə olduğunu təsdiq ediblər.
Mən 17.04. 2018-ci il, saat 15.35-dən sonra Binəqədi rayon Polis İdarəsinin 5-ci bölməsi ilə - Zamir Şirəliyevlə əlaqə saxlamışam, videoçarxın müəllifini tapıb - tapmadıqları ilə maraqlanmışam, Zamir Şirəliyev vidioçarxın müəllifini tapmadıqlarını deyib.
Mən əldə etdiyim faktlar barədə Zamir Şirəliyevə məlumat vermişəm. O, məni yenidən 5-ci polis bölməsinə dəvət edib, polisə yeni ərizə ilə müraciət etməyimin zəruri olduğunu deyib. Mən bu zərurətin niyəsini başa düşməsəm də, 5-ci polis bölməsinə getmişəm, növbəti ərizəmə Vaqif barəsində bildiklərimi də əlavə etmişəm.
Tədqiqat davam edir. Davam edirmi? Bilmirəm.
Mən həyat yoldaşım Elmirə xanımla otuz ildir bir dam altında yaşayırıq. Mənim 65, xanımımın 64 yaşı var. Bir ildən sonra o, 34 il fasiləsiz çalışdığı məktəblə vidalaşır. O, 1984-cü ildən Nizami rayonundakı 251 №-li orta məktəbdə işləyir. Mən bu gün də, 30 il bundan əvvəl olduğu kimi, həyat yoldaşımla özümü xoşbəxt hesab edirəm.

Mən bilirəm, bu gün Azərbaycan xalqı irtica ilə qaragüruhun əlində girinc qalıb. Vəziyyət çox ağırdır.
Mən hamının, xüsusən də xanımımı ən ağır ifadələrlə təhqir elən admaların nəzərinə çatdırmaq istəyirəm, biz - xanımım və mən - bu gün Azərbaycanda başlayan, indii bütün azərbaycanlıları əhatə edən SOYUQ VƏTƏNDAŞ MÜHARİBSİNDƏ iştirk etmək istəmirik. 
Mən bu yazını qurtarıram. 
Və deyirəm, Azərbaycanda qanunlar işləməsə də, mən yenə qanuna üz tutmağın tərəfdarıyam. Xanımımla bağlı baş verənlər mütləq öz hüquqi həllini tapacaq və hüquqi qiymətini alacaq.

Xoş getdiniz!

P.S. Biz hələ görüşəcəyik.

18.04.2018-ci il.