Bakı Dövlət Sirkinin DİREKTORU olmaq istəyən Murad Abdullayev KİMDİR ?

Bakı Dövlət Sirki ( BDS )  ölkəmizin ən böyük mədəniyyət müəssisələrindən biridir. Eyni zamanda sirkin binası unikal memarlıq  abidəsidir.

Çox təəssüf  ki, baxımsızlıq səbəbindən bina yararsız vəziyyətə düşüb. Və təmir-bərpa, üstəlik texniki təhlükəsizlik  səbəbindən Bakı Dövlət Sirki  2 ildir fəaliyyətini  MÜVƏQQƏTİ  dayandırıb.

Və hər dəfə  BDS-nin direktor əvəzi  Nahid Ağayev  mətbuata  açıqlamasında sirkin yaxın zamanda fəaliyyətə başlayacağını deyir.

Yeri gəlmişkən, BDS-nin direktorları az qala hər il yenilənir.

Belə ki, 18  il  (2003-2021-ci illər ) BDS-nin direktoru olmuş  Əməkdar  mədəniyyət  işçisi Vaqif  Bağırzadə  2021-ci ildə  dünyasını dəyişəndə o zamankı mədəniyyət naziri  Anar Kərimovun əmri ilə 2021-ci ildə Elmir Hüseynov  BDS-ə  direktor təyin olundu.

Qeyd edək ki, yeni direktor  Elmir  Hüseynov bu vəzifəyədək   “Azərbaycan Dəmir Yolları” QSC-nin Gürcüstandakı səlahiyyətli nümayəndəsi olub.

İstər-istəməz  sual  doğur: Dəmir yolu hara, Sirk  hara ?

Yəni   BDS  bəzi məmurların özəl obyektinə çevrilmişdi.

Bir il  keçmədən BDS-nin təzə  direktoru Elmir  Hüseynov  2022-ci ildə iyun  ayında  vəzifəsilə vidalaşdı. Yəni 1-cə il işlədi. Niyəsini bilmirik.

Məlumat üçün qeyd edək ki, artıq mədəniyyət naziri ( 2020-2022)  Anar Kərimov vəzifəsindən çıxarılmışdı. Və

yeni mədəniyyət naziri Adil Kərimli ( 2023-cü ildən ) fəaliyyətə başlamışdı.

Beləliklə  2022-ci ildən Bakı Dövlət  Sirki başsız qalıb, lap BAŞSIZ ATLI kimi. Daha doğrusu, Nahid Ağayev  3 ildir BDS-nin DİREKTOR  ƏVƏZİ-dir. Bəs  bu boyda mədəniyyət  müəssisəsi nə vaxtadək DİREKTOR-suz qalacaq ?

İndi isə keçək əsas məsələyə.

Redaksiyamıza  daxil olan məlumata görə, mədəniyyət naziri  hörmətli  Adil Kərimli yaxın zamanda Rusiyada sirkdə  meymunları  döydüyünə görə  Rusiyadan qovulmuş  heyvan  təlimçisi  Murad  Abdullayevi  Bakı Dövlət Sirkinə  direktor təyin edəcək.

Bəs  Murad Abdullayev kimdir, Rusiyаdа Heyvan hüquqlarını qoruyan “VİTА” təşkilatı Murаd  Аbdullаyevin  əməlləri ilə   bаğlı  Rusiyа Baş Prokurorluğuna  niyə  şikayət ediblər ?

Rusiyada  çalışan tanınmış  heyvan təlimçiləri, sirk rəhbərləri  Murad  Abdullayevin barəsində nələr dedilər.

Bu barədə növbəti  yazıda.

Bizi izləyin.