ABŞ-ın Kaliforniya ştatında yaşayan Azərbaycan vətəndaşı Sevindik Hüseynov ABŞ dövlətinə qarşı 137 milyon dollarlıq tibbi sığorta fırıldağında ittiham olunaraq saxlanılıb.
Musavat.com xəbər verir ki, istintaq materiallarına əsasən, Hüseynov saxta tibbi xidmət sənədləri və fakturalar vasitəsilə ABŞ-ın sağlamlıq sistemindən külli miqdarda vəsait mənimsəyib. O, bu müddət ərzində müxtəlif klinika və müəssisələr üzərindən uydurma müalicə prosedurları göstərərək, dövlət hesabına milyonlarla dollar vəsait götürüb.
ABŞ hüquq-mühafizə orqanlarının yaydığı məlumata görə, Hüseynov ölkəni tərk etməyə çalışarkən saxlanılıb və hazırda federal istintaq altında saxlanılır.
Mütəxəssislər hesab edirlər ki, bu cür hadisələr Azərbaycan vətəndaşlarının xarici ölkələrdə imicinə zərbə vurur və vizaların verilməsində, etimad məsələlərində əlavə problemlər yaradır. Sosial şəbəkələrdə də mövzuya geniş reaksiya verilib. İstifadəçilər belə halların ölkə vətəndaşlarının nüfuzuna xələl gətirdiyini vurğulayırlar.
